كلمات اغاني البوم أصالة_ سواها قلبي

لا تـخــاف


الأغنية كلمات ألحان توزيع
لا تخاف العالية سهم خالد عز - هاني فرحات


لا تخاف من الزمان الزمن ماله أمان
خاف من يلي كل أمانك في إيدينه وتأمنه
لو حبيبك ما وفالك لو حبيبك فيك خان
إيش ترجي من زمانك النتيجة باينة

نكتشف مر الحقيقة بعد ما يفوت الأوان
قلت لك لا تندفع له قلت حبي صاينه
وينه يلي صان حبك ما أشوفه يوم بان
قلبك يلي هو قلبك لا تحسبك ضامنه

لا تعذر بإحتياجك كلنا ناقص حنان
كلنا طفل تمنى اي شخص يحضنه
نبني الدنيا وحنا نوقف بنفس المكان
للأسف ينقص وفانا مع مرور الازمنه

__________________

تبي تتركني

الأغنية كلمات ألحان توزيع
تبي تتركني العالية سهم خالد عز - هاني فرحات


تبي تتركني إتركني إتأكد ماحزعل
ولا أسأل ويش تفاصيل البعاد وطوله ولوعه
لكن قول أنا ماشي ترى بعض الوداع أجمل
من هروب الحبيب يلي ترك له ناسًا موجوعه
إذا حبي ما يعنيلك أكيد إن الفراق أفضل
وإذا عيني بتبكيلك أكيد العين مخدوعه
وإذا إنت يلي بتتركني ولا أحد جابرك ترحل
حرام أضايق وأشقى على يلي رايح بطوعه

أنا ماقولك بنسى لكن مستحيل أسأل
بحبس أصغر أنفاسي لو الهمسات مسموعه
انا بتذكر أيامك ولا أنسى حبي الأول
بتبقى صورتك عندي في وسط الروح مطبوعه
حبيبي لو بترجعلي وتعطيني العذر بقبل
أبغفر للحبيب اللي غياب أحبابه يلوعه
مهما طول غيابك بتبقى رحمتي أطول
إتأكد في شرع قلبي لك الأقلام مرفوعه
ــــــــــــــــــــــــــــــــــــــــــــــــــــــــــــ

الأغنية : سـواهــا قلـبـي
كلمات : خالد المريخي
ألحان : سـهـم
توزيع : خالد عز و هاني فرحات

سواها قلبي يا حبيبي وحبك ماطاعني وأنا عن الحب ناهيه
الظاهر إنه مايبي غير قربك عاف الجميع و أول الناس راعيه

عليه ماوصيك لاصار جنبك صبح عليه بحب وبحب مسيه
نبضه وفا وبتضحياته يعجبك صافي ولكن مالقى مين يصافيه

خلى دروب الكل وإختار دربك داريه تكفى قد مافيك داريه
وأبشر بقلب مايبي غير قربك يموت وغير محبتك ماسكن فيه

ـــــــــــــــــــــــــــــــــــــــــــــــــــــــــــــــــــــــ

الأغنية : أمــنــيــة
كلمات : مـلامـح
ألحان : صلاح احمد
توزيع : خالد عز و هاني فرحات




والله إني ما أتمنى في حياتي إلا شي
أني أملك كل هالدنيا بيدي
ما أسمعك في يوم تنطق كان ودي
قبل لا تحلم أحقق قبل لا تحكي أقول
قبل لا تشكي همومك لك اجيك كلي حلول
وليت كل هالكون بإيدي لأجل أحقق ما تبيه

أدري انه أمنياتي هي مجرد أمنيات
لو إني أملكها حياتي كنت أبهديك الحياة
بس أشوف الإبتسامه ما تفارق دنيتك
يلي كل أيامي تضحك لما ألمح بسمتك

إنت يا عزي وذلي و أجمل أجمل ماحصلي ويش أقدملك سواي
وأرمي أيامي تحت أطهر خطا
يلي كل أيام عمري قبل ما أحبك خطا
أي قهر والله قهر إني ما أقدر حتى ما أقدر
أوصل حدود السما لأجل أهديلك القمر
ودي ودي والله ودي بس ما في إيديني شي

ــــــــــــــــــــــــــــــــــــــــــــــــــــــــــــ
الأغنية : كـلمـة شـكــر
كلمات : بنت المعاني
ألحان : أحمد الهرمي
توزيع : أحمد أسدي

كلمة شكر يا بوي ماتوفي الشعور
وإحساسي صوبك يا بعدي أكبر كثير
مهما شكرتك لازم أشعر بالقصور
لأن عيني دايم تشوفك كبير

تتكحل عيوني ويغمرها السرور
كل ما تشوفك مبتسم قلبي يطير
يانور كل ما شفته زاد بوجهي نور
مادامك إنت بخير هالدنيا بخير

يابوي لو لفيت أنا العالم وأدور
بلقاك شي بهالزمن ماله نظير
يعني إختصار يلي بقوله من شعور
روحي يا أغلى ناسها تحبك كثير
ــــــــــــــــــــــــــــــــــــــــــــــــ
الأغنية : أقــرب قــريـب
كلمات : سعود الهاجري
ألحان : فايز السعيد
توزيع : إبراهيم السويدي




أضيع في الدنيا بلياك
عني عذولك لا يردك
إنت أمر ويلي تطلبه ياك
إلا الوداع وصوت صدك
أقرب قريب الروح تهواك
والله وربي ما أردك

إنت حبيب الروح تفداك
يامبهدل العالم بقدك
حتى شفوفه تتبع رضاك
وأكثر من ودادك يودك
يانور بسري وين مسراك
بحدد حدودي بحدك
أضيع في الدنيا بلياك
عني عذولك لا يردك

وأبرد بثلجك و أتدفاك
تلمس كفوف ايدي خدك
أحبك أكثر وأتحداك
تلقى بقلبي من يندك
وكذاب لي قال لك بنساك
ولو تنوي الصده بردك
أضيع في الدنيا بلياك
عني عذولك لا يردك
ــــــــــــــــــــــــــــــــــــ

الأغنية : ديـرة الغـربـة
كلمات : فـزاع
ألحان : فايز السعيد
توزيع : إبراهيم السويدي

الله يسامحك على كل ماجاني
القلب لعيونك الثنتين أعذر به
والا طموحي في راسي واسأل امتاني
أكبر من اللي على شرواك أجاهر به
تذكرني أيام سعدي وتناساني
في الضيق والهم واللوعات والكربة
تدري وش الغربة إني داخل أوطاني
وعيش مثل الغريب بديرة الغربة
لا تعتذر عذر ما يقنع على شاني
و إن كان به عذر تكفى لا تعذر به
لكن تذكر بأن إين آدم ثاني
والكبر صاحبه له يوم يحدر به

في الحب ساير تعيش الحب وحداني
وتحارب الناس عقلك ما تفكر به
الاول اللي يعاني مثل ما أعاني
وليا شعرت بلذيذ الشوق يشعر به
واللي خفوقي على شوفته طرباني
كل الدروب العفيفه تطمح لدربه
ليه أتحداك لا قمت تحداني
وأنا مقامي على النجمات أفاخر به
ـــــــــــــــــــــــــــــــــــــــــــــــــ
الأغنية : طـلـبـتــكــ
كلمات : العـاليـة
ألحان : سـهـم
توزيع : عمرو عبد العزيز



طلبتك لاتحاكيني عن احبابك ولا ذكراك
ولا ودي تعلمني عن الماضي ولا ادري
انا ما همني الماضي ولا ايامه قبل ما القاك
انا عندي بدايتنا بداية عمرك و عمري
اخيراً جيت يا وجهٍ انقضى عمري و انا استناك
وجيت بصورة فاقت خيالي وحلمي العذري
حبيبي خلنا نبدا حكايتنا انا وياك
قبل ما الوقت يسرقنا و لحظات الهوى تسري

انا ابغى حبنا راقي يودينا بعيد هناك
لدنيا ما بها فرقا ولا كذبة ولا غدري
اذا على الوصل انا اعاهد وربي ما بيوم اجفاك
لأخجل بالعطى غيري وجازي صبرك وصبري
انا طمعانه بوصالك وشاري بدنيتي دنياك
وحكم الحب في يدينك تبيع احساسي او تشري
اذا شاري سنين العمر يا عمري الهوى يفداك
واذا انك بعت لا تنطق ابعرف عندها قدري
ـــــــــــــــــــــــــــــــــــــــــــــــــــــــــــــــ
الأغنية : شـمــوخ عــزي
كلمات : مُعِــزة
ألحان : لــيــل
توزيع : مدحت خميس



من يقول إنك تحب من يقول إنك وفيت
كل هذا كان لعب ياما خذت وما عطيت
كافي ماجا منك كافي بان لي مكان خافي
كنت أظن الحب وافي واترى حبك خسارة

كم تناسينا خطاك ما يهمك ويش يصير
بعت قلبي يلي عطاك صدق ما عندك ضمير
غلطتي ارخصت نفسي يوم ما أضويتك بشمسي
بكرة ما هو مثل أمسي قلبي وتغير مساره

كان قلبي في إيدك ضامنه لا ما يخون
لا ولا بحلمك أجيك هذا في حكم الجنون
اذكرك يلي إنت ناسي و أوقف بوجهك ياقاسي
شموخ عزي وإحساسي يسوى كوني ومداره